“නිරුවත් දෙවිවරු”
“NAKED GODS”
දන්නෙවත් නැති
අහලවත් නැති
එකෝමත් එක රටක එක දවසක්
දන්නෙවත් නැති
අහලවත් නැති
එක්තරා කෙල්ලක්
දන්නෙවත් නැති
අහලවත් නැති
එක්තරා කොල්ලෙක්
දන්නෙවත් නැති
අහලවත් නැති
රස කතා මල්ලක්
සිහින මල් රොත්තක්
දෙපා මුල තියලා
දැකලවත් නැති
හීනෙකින්වත්
පිරිමි කමෙ ඇඟ
හිමින් පිරිමදිමින්
නෑඹුල්ම නෑඹුල්
කෙල්ලගෙ දෙපා මුල ඇදුනා
අන්ධකාරය නිලංකාරව
සෑම තැන ඇඳුනා
එකෝමත් එක මේ රටේ දවසක්
එකෝමත් එක කෙල්ලක්
එකෝමත් එක කොල්ලෙක්
වහ බීල මැරුණා
දෙමාපියවරු අකමැතිම හන්දා
එකෝමත් එක
අඳුරු එක දවසක්
ඔලුව නැති සිරුරක්
කුනු කානුවක තිබුනා
නාඳුනන හංවඩුව වැදුනා
ඒ එකෝමත් රටේ කලු දවසක්
එකෝමත් එක තානායමක දවසක්
සුදුම සුදු සුදු කෙල්ලක්
පුරුෂ ඇඟ ඔබලා
දෙස් පාලුවෙක් කියලා
මරා දා තිබුනා
දුකම දුක හිතුනා
එකෝමත් එක මේ රටේ
ඇමති කඳ බඩ ආරතේ
තීරණයි ගත් හිතු මතේ
නීතියත් උන්ගෙම අතේ
දේශ ආලය කට මැතේ
නීතියේ කන්යාවී
තවදුරටත් එහෙමම නොවේ
“සියලු දේශපාලකයෝ
ඇයව දූෂණය කළහ”
එකෝමත් එක මේ රටේ
එකෝමත් එක මිනිසුනේ
පෙර මෙහෙම නෑ කියමිනේ
මියෙමු සග සැප පතමිනේ
No comments:
Post a Comment