වාසනා පත

අවාසනාවට

වාසනාව විකුණන

වමට බර

කන්න හෝදන්න

එකම අතින්

හොඳ නැතෙයි

අම්මා බනින හැටි

මතක් උනා නුඹ

දුටු මොහොතෙදිම

සුපුරුදු නුපුරුදු වම් අත

කඩිමුඩියෙ ටිකට් අමුණන

හුලඟ විත් රැගෙන යන්න පෙර

අනුන්ගෙ වාසනාව

නුඹ දුටුව

අපැහැදිලි වීදුරුව

මීදුම් කඳුලු විසිරුව

ඇඟිල්ලෙන් ඉරි ඇඳ

එතුලින් නුඹ දුටුව

වාසනාව විකුනන

අවාසනාවන්ත රටක

වාසනාව විකුනන

අත් දෙකක් ඇති අයට

තනි අතක මහිමය

කියා දෙන

දිරිය දියණී

සීතාවක සීතලම

උදෑසන සිනහා වෙන්නී

වචන ගැන වචනයක්

වචන ගැන වචනයක්

වන පෙරළි

පද පෙරළි

සංකේත සංවේදනා

විසංවාදීව

වචන තුළ

ගැබ් ගැනීම

ගැබ් පෙළහර නොපා

ඒ  වදන් තුළින්

හද රිදුම්

සසල කිරීම්

සංවේදනා

හාව භාව ලීලා

විලි ලෑම

ඇත්තටම එකම වචනයකටවත්

හරි හැටි තේරුමක් නැති හැටි

ඔයා අඩන දොඩන හැම වෙලාවකම

කිසි තේරුමක් නැති

වචන වල හැපෙමින්

කැලතෙමින්

මටත් හරි දුක තමයි

ඒත් ඒ දුක

දුක කියන වචනෙ නැති හැටි

හරි දුකයි ඇත්තමයි